من أي المطــاعـم يأكــل شباب الرس ؟ ؟!

السلااام علييكم ورحمة الله وبركااته

بداية احب اهنيكم على هذا المنتدى الرائع

ومن خلال سياسة المنتدى والسماح بطرح اي نوع من المواضيع

حبيت اطرح هذا الموضوع لاسيما وانه يمنع طرحه في المنتديات الآخرى وعذرهم الدعاية

لكن هنا طبعاً غير


ندخل للموضوع . .


طبعـا المطاعم في الرس من وجهة نظري رديئة جدا جدا

ولا يوجد الا بضعه مطاعم شركات

هرفي - بيتزاء هت - تشكن بلس - كودو - وقريبا كنتاكي


واما المطاعم الأخرى

قوتي
الفاندوم
اللؤلؤة (يهش الذبان بعد الفضيحه )
السنبله
السلطان
البيت الشرقي
سبايسي
مذاقي
الرز البخاري
مدفون
مندي حراء
ابو بندر

والبوفيهات مثل
السفير
بوفيه وفوال البركه
عيسى
بوفيه الفيحاء ( جوار زينون)
زاد
بروست زاد
بروستد الفيحاء


والله مدري يمكن ناسي شي



* الآن كل واحد يا ليت يتكلم عن المطعم الي يحب يآكل منه
ومن مر عليه موقف احتيال او نصب من أحد المطاعم ياليت يذكر لنا الموقف ويحذرنا منه

ومن عنده اي شي بخصوص المطاعم يآخذ راحته في هذا الموضوع

دام المنتدى ساحه حره فكل واحد يكتب الي يبي من غير تلميح

والصــراحــة مطلـوبـة من الجميــع ،،،،،


ويعطيكم العافية وعساكم على القوة ،،،


الصـــــــــــــريــــــــــــــح

يعطيك العافية على الموضوع


والله يابن الحلال على حسب وش مشتهي ؟!


يعني أكثر الأحيان وإذا كنت بلحالي هرفي

وإذا كنت انا واحد نتشاور ونكون حول المطاعم كودو - تشكن - الفاندوم
طبعا اللؤلؤة مشطبين عليه من يوم هاك المقطع الله يخسهم

وعاد بعد التشاور نوقف عند اي واحد منهم بس اغلب شي الفاندوم

والسنبلة والله ما جاز لي ما احس انه مطعم

وبيتزاء هت ما عمري اكلت منه الا مرتين من يوم فتح . .

الفطور طبعاً من البركـه
ولا من عيسى (بس بعيد بطريق عنيزة)==>عجاز


والشاورمـا من النورس ( بس بعد ما ارتفع سعر الشاورما قليل آكل )


والرز والله ما فيه احد يضبطه بالرس الا يمكن مندي حراء
ولحد يقولي الطاهي ===> الحمد لله على النعمه



وهذي قصة أكلي من المطاعم . .



تقبل خالص شكري لكـ . ..